ਦਿਵਯ ਜੋਤੀ ਜਾਗਰਤੀ ਸੰਸਥਾਨ ਵੱਲੋਂ 14 ਅਪ੍ਰੈਲ ਤੋਂ 20 ਅਪ੍ਰੈਲ ਤੱਕ ਰੋਸ਼ਨ ਗਰਾਊਂਡ, ਹੋਸ਼ਿਆਰਪੁਰ ਵਿੱਚ ਸ਼੍ਰੀਮਦ ਭਾਗਵਤ ਕਥਾ ਦਾ ਭਵਿਆ ਅਤੇ ਦਿਵਯ ਆਯੋਜਨ ਕੀਤਾ ਗਿਆ। ਹਰ ਰੋਜ਼ ਸ਼ਾਮ 7 ਵਜੇ ਤੋਂ ਰਾਤ 10 ਵਜੇ ਤੱਕ ਹੋਣ ਵਾਲੀ ਇਸ ਕਥਾ ਵਿੱਚ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂਆਂ ਨੇ ਸ਼ਾਮਿਲ ਹੋ ਕੇ ਭਗਤੀ ਅਤੇ ਗਿਆਨ ਦਾ ਲਾਭ ਪ੍ਰਾਪਤ ਕੀਤਾ।ਸਾਧਵੀ ਵੈਸ਼ਣਵੀ ਭਾਰਤੀ ਜੀ ਨੇ ਆਪਣੇ ਓਜਸਵੀ ਅਤੇ ਭਾਵਪੂਰਨ ਪ੍ਰਵਚਨਾਂ ਨਾਲ ਸਭ ਨੂੰ ਮੋਹ ਲਿਆ ਜਿਸ ਨਾਲ ਸ਼ਰਧਾਲੂਆਂ ਨੂੰ ਧਰਮ, ਭਗਤੀ ਅਤੇ ਜੀਵਨ ਮੁੱਲਾਂ ਬਾਰੇ ਡੂੰਘਾ ਸੰਦੇਸ਼ ਮਿਲਿਆ

।

ਹੁਸ਼ਿਆਰਪੁਰ/ਦਲਜੀਤ ਅਜਨੋਹਾ 

ਕਥਾ ਵਿਆਸ, ਵਿਸ਼ਵ ਪ੍ਰਸਿੱਧ ਭਾਗਵਤ ਭਾਸਕਰ, ਗੁਰਦੇਵ ਸ਼੍ਰੀ ਆਸ਼ੁਤੋਸ਼ ਮਹਾਰਾਜ ਜੀ ਦੀ ਸ਼ਿਸ਼ਿਆ ਸਾਧਵੀ ਵੈਸ਼ਣਵੀ ਭਾਰਤੀ ਜੀ ਨੇ ਆਪਣੇ ਓਜਸਵੀ ਅਤੇ ਭਾਵਪੂਰਨ ਪ੍ਰਵਚਨਾਂ ਨਾਲ ਸਭ ਨੂੰ ਮੋਹ ਲਿਆ। ਉਨ੍ਹਾਂ ਦੁਆਰਾ ਪ੍ਰਸਤੁਤ ਕੀਤੀ ਕਥਾ ਰਾਹੀਂ ਸ਼ਰਧਾਲੂਆਂ ਨੂੰ ਧਰਮ, ਭਗਤੀ ਅਤੇ ਜੀਵਨ ਮੁੱਲਾਂ ਬਾਰੇ ਡੂੰਘਾ ਸੰਦੇਸ਼ ਮਿਲਿਆ।

ਕਥਾ ਦੇ ਵਿਸ਼ਰਾਮ ਸਮੇਂ ਮੁਨੀਸ਼ ਗੁਪਤਾ (ਮੁੱਖ ਯਜਮਾਨ), ਦਿਨੇਸ਼ ਕੌਸ਼ਲ, ਗੋਪਾਲ ਅਗਰਵਾਲ, ਜਗਦੀਸ਼ ਅਗਰਵਾਲ ਅਤੇ ਅਗਰਵਾਲ ਸਭਾ ਦੇ ਸਾਰੇ ਮੈਂਬਰਾਂ, ਲੱਕੀ ਠਾਕੁਰ, ਆਸ਼ੀਸ਼ ਗੋਇਲ, ਅਸ਼ਵਨੀ ਛੋਟਾ ਅਤੇ ਯੁਵਾ ਵਾਹਿਨੀ ਕਮੇਟੀ ਦੇ ਮੈਂਬਰਾਂ, ਪਵਨ ਸ਼ਰਮਾ ਅਤੇ ਕ੍ਰਿਸ਼ਨ ਗੋਪਾਲ ਆਨੰਦ ਭਾਰਤੀ ਸਨਾਤਨ ਧਰਮ ਮਹਾਵੀਰ ਦਲ, ਸੰਜੀਵ ਗੁਪਤਾ, ਸੰਜੀਵ ਕੁਮਾਰ ਓਹਰੀ, ਸ਼ਹਿਰ ਦੇ ਪ੍ਰਮੁੱਖ ਗਣਮਾਨਯ ਵਿਅਕਤੀਆਂ ਅਤੇ ਵੱਖ-ਵੱਖ ਸੰਸਥਾਵਾਂ ਵੱਲੋਂ ਸਾਧਵੀ ਵੈਸ਼ਣਵੀ ਭਾਰਤੀ ਜੀ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਉਨ੍ਹਾਂ ਨੂੰ ਭਗਵਾਨ ਸ਼੍ਰੀ ਕ੍ਰਿਸ਼ਨ ਜੀ ਦੀ ਸੁੰਦਰ ਅਤੇ ਮਨਮੋਹਕ ਤਸਵੀਰ ਭੇਟ ਕੀਤੀ ਗਈ ਅਤੇ ਵੱਖ-ਵੱਖ ਤਰੀਕਿਆਂ ਨਾਲ ਉਨ੍ਹਾਂ ਦਾ ਸਤਿਕਾਰ ਕੀਤਾ ਗਿਆ।

ਉਪਸਥਿਤ ਸ਼ਰਧਾਲੂਆਂ ਨੇ ਇਸ ਆਯੋਜਨ ਦੀ ਖੂਬ ਪ੍ਰਸ਼ੰਸਾ ਕੀਤੀ ਅਤੇ ਇਸ ਨੂੰ ਆਧਿਆਤਮਿਕ ਉੱਨਤੀ ਦਾ ਇਕ ਵਿਲੱਖਣ ਮੌਕਾ ਦੱਸਿਆ। ਸੰਸਥਾਨ ਵੱਲੋਂ ਸਾਰੇ ਸਹਿਯੋਗੀਆਂ, ਸ਼ਰਧਾਲੂਆਂ ਅਤੇ ਆਯੋਜਕਾਂ ਦਾ ਦਿਲੋਂ ਧੰਨਵਾਦ ਕੀਤਾ ਗਿਆ, ਜਿਨ੍ਹਾਂ ਦੇ ਸਹਿਯੋਗ ਨਾਲ ਇਹ ਪਾਵਨ ਆਯੋਜਨ ਸਫਲਤਾਪੂਰਵਕ ਸੰਪੰਨ ਹੋ ਸਕਿਆ।