ਬੀਬੇ ਬਾਲ
ਰੋਜ ਸਵੇਰੇ ਜਲਦੀ ਉੱਠ ਕੇ
 ਸਭ ਨੂੰ ਫਤਿਹ ਬੁਲਾਉਂਦੇ।
ਨਹਾ ਧੋ ਕੇ ਸੁਥਰੇ ਬਣ ਕੇ,
ਸਵੇਰ ਦਾ ਖਾਣਾ ਖਾਂਦੇ ।
 ਫਿਰ ਸਕੂਲ ਦੀ ਵਰਦੀ ਪਾ ਕੇ,
 ਸੋਹਣੇ ਕੇਸ ਸਜਾਉਂਦੇ।
ਬਸਤੇ ਵਿੱਚ ਕਿਤਾਬਾਂ ਪਾ ਕੇ ,
ਚਾਈਂ -ਚਾਈਂ ਸਕੂਲੇ ਜ਼ਾਂਦੇ।
ਸਕੂਲ ਮੰਦਰ ਦੇ ਅੰਦਰ ਜਾ ਕੇ ,
ਸਭ  ਨੂੰ ਸੀਸ ਝੁਕਾਉਂਦੇ ।
ਪੜ੍ਹਦੇ ,ਲਿਖਦੇ ਮਨ ਲਗਾ ਕੇ,
ਉੱਚੀਆਂ ਮੰਜ਼ਿਲਾਂ ਪਾਉਂਦੇ ।
ਹਾਣੀਆਂ ਨਾਲ ਮਿਲ ਜੁਲ ਕੇ,
ਨੱਚਦੇ ,ਟੱਪਦੇ , ਗਾਉਂਦੇ।
ਸਾਦੇ ਸੁੱਚੇ ਪਿਆਰੇ ਬਣ ਕੇ,
ਬੀਬੇ ਬਾਲ ਕਹਾਉਂਦੇ।|
ਹਰਜਿੰਦਰ ਕੌਰ
ਹੈੱਡ ਟੀਚਰ,
ਬਸੀ ਮਾਰੂਫ
ਹੁਸ਼ਿਆਰਪੁਰ