ਚੱਬੇਵਾਲ ਜ਼ਿਮਨੀ ਚੋਣ ਚੋਣ ਕਮਿਸ਼ਨ ਵਲੋਂ ਜਨਰਲ, ਖਰਚਾ ਅਤੇ ਪੁਲਿਸ ਆਬਜਰਵਰ ਨਿਯੁਕਤ

 ਹੁਸ਼ਿਆਰਪੁਰ/ ਦਲਜੀਤ ਅਜਨੋਹਾ
ਭਾਰਤ ਚੋਣ ਕਮਿਸ਼ਨ ਵਲੋਂ ਵਿਧਾਨ ਸਭਾ ਹਲਕਾ ਚੱਬੇਵਾਲ-044 ਦੀ 13 ਨਵੰਬਰ ਨੂੰ ਹੋਣ ਜਾ ਰਹੀ ਜ਼ਿਮਨੀ ਚੋਣ ਲਈ ਜਨਰਲ, ਖਰਚਾ ਅਤੇ ਪੁਲਿਸ ਅਬਜ਼ਰਵਰ ਤਾਇਨਾਤ ਕੀਤੇ ਗਏ ਹਨ ਜੋ ਚੋਣ ਸਰਗਰਮੀਆ ’ਤੇ ਨਜ਼ਰਸਾਨੀ ਕਰ ਰਹੇ ਹਨ।
ਵਧੀਕ ਡਿਪਟੀ ਕਮਿਸ਼ਨਰ (ਜ)-ਕਮ-ਰਿਟਰਨਿੰਗ ਅਫ਼ਸਰ ਰਾਹੁਲ ਚਾਬਾ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਵਲੋਂ 2011 ਬੈਚ ਦੇ ਆਈ.ਏ.ਐਸ. ਅਧਿਕਾਰੀ ਸ਼੍ਰੀ ਤਪਸ ਕੁਮਾਰ ਬਾਗਚੀ ਨੂੰ ਜਨਰਲ ਚੋਣ ਅਬਜ਼ਰਵਰ, 2010 ਬੈਚ ਦੇ ਆਈ.ਆਰ.ਐਸ. ਅਧਿਕਾਰੀ ਸ਼੍ਰੀ ਸਰੇਨ ਜੋਸ ਨੂੰ ਖਰਚਾ ਅਬਜ਼ਰਵਰ ਅਤੇ 2012 ਬੈਚ ਦੇ ਆਈ.ਪੀ.ਐਸ. ਅਧਿਕਾਰੀ ਸ਼੍ਰੀ ਸਿਧਾਰਥ ਕੌਸ਼ਲ ਨੂੰ ਪੁਲਿਸ ਅਬਜ਼ਰਵਰ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਜਨਰਲ ਚੋਣ ਨਿਗਰਾਨ ਸ਼੍ਰੀ ਤਪਸ ਕੁਮਾਰ ਬਾਗਚੀ ਦਾ ਮੋਬਾਇਲ ਨੰਬਰ 89182-26101, ਖਰਚਾ ਨਿਗਰਾਨ ਸ਼੍ਰੀ ਸਰੇਨ ਜੋਸ ਮੋਬਾਇਲ ਨੰਬਰ 70876-96950 ਅਤੇ ਪੁਲਿਸ ਅਬਜ਼ਰਵਰ ਸਿਧਾਰਥ ਕੌਸ਼ਲ ਦਾ ਮੋਬਾਇਲ ਨੰਬਰ 86998-66950 ਹੈ ਅਤੇ ਜ਼ਿਮਨੀ ਚੋਣ ਨਾਲ ਸਬੰਧਤ ਮਸਲਿਆਂ ਲਈ ਚੋਣ ਅਬਜ਼ਰਵਰਾਂ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।